my daddie says, gin i'll forsake him,
he'd gie me gude hunder marks ten;
but, if it's ordain'd i maun take him,
o wha will i get but tam glen!
yestreen at the valentine's dealing,
my heart to my mou' gied a sten';
for thrice i drew ane without failing,
and thrice it was written “tam glen”!
the last halloween i was waukin
my droukit sark-sleeve, as ye ken,
his likeness came up the house staukin,
and the very grey breeks o' tam glen!
 e, counsel, dear tittie, don't tarry;
i'll gie ye my bonie black hen,
gif ye will advise me to marry
the lad i lo'e dearly, tam glen.