song—tam glen
my heart is a-breaking, dear tittie,
some counsel unto mee len',
to anger them a' is a pity,
but what will i do wi' tam glen?
i'm thinking, wi' sic a braw fellow,
in poortith i might mak a fen;
what care i in riches to wallow,
if i maunna marry tam glen!
there's lowrie the laird o' dumeller—
“gude day to you, brute!” hees ben:
he brags and he blaws o' his siller,
but when will he dance like tam glen!
my minnie does constantly deave me,
and bids me beware o' young men;
they flatter, she says, to deceive me,
but wha can think sae o' tam glen!